秋风起，有甜味

最近天气渐渐变凉

睇嚟係适合贴贴嘅季节啦

难得同场出活动嘅

袁咏仪&张智霖

特别穿上白色CP装

两人样靓身材正

点睇都劲养眼

话说靓靓就快生日啦

大家肯定就会提醒Chilam

准备入手新手袋

俾太太做礼物啦

Chilam即刻“拒绝”

话今年嘅钱钱已经有其他安排

靓靓见状就趁机“闹”佢冇品味

更掀开佢裤脚

俾大家睇佢对袜衬得几咁差

两人一来一回怼嚟怼去

大家隔住屏幕都feel到佢哋嘅甜

老夫老妻嘅情趣

就係明白对方嘅私密小细节

//////////

王菲&谢霆锋

一直想低调

但每次现身都会成为全场焦点

最近佢哋现身机场啦

虽然戴晒口罩又劲chill

但星味点都挡唔住

两人从禁区出嚟后

即刻坐上电瓶车

想逃离大家视线

喺车上霆锋不自觉咁

用手搭落菲姐大髀

俾人一种好安心嘅感觉

菲姐亦好自然咁

将头靠落霆锋宽厚嘅膊头度

成个画面劲sweet啰

//////////

汤洛雯同马国明

一有动态就会被大家狠狠捕捉

睇下佢哋係咪有BB

今次“靓汤”索腰长腿

睇怕都仲係

“只身一人”嘅状态

两人情到浓时

“靓汤”贴身冧猪马明

嘟嘴索吻添

但一旁嘅马明又“天然呆”

全程只有一个emoji表情

睇落就无动于衷啰

既然马明企到咁硬

网友就建议“靓汤”

不如格硬嚟啜上去啦

成年人都係直接啲好

//////////

各路大咖都忽明忽暗咁

晒自己有几sweet几恩爱

大家係咪觉得

隔住屏幕都好似食“狗粮”咁

well~真正嘅“狗粮”喺呢度

之前请我哋可乐君饮过凉茶嘅

顶流网红“凉茶狗”pat pat

最近收到《可乐生活》21th庆生特刊啦

pat pat揽住我哋嘅报纸

瞓喺自己嘅安乐窿里面

表示爱不释手啰

仲有其他小伙伴

收到我哋嘅特刊之后

都觉得劲浪漫、超温馨

可乐君都被大家冧到晕晒啦

希望以后有更多朋友仔

可以嚟同我哋一起玩

创造更多colorful嘅靓靓回忆啦

资料来源：微博等网络综合信息整理

编辑：郭玮

审核：曾敏妍

签发：骆苹