艺人专访｜刘佩玥突失声被吓坏决心变阿佘咁Fit 刘颖镟望龙年挑战飞机师角色 刘佩玥（Moon）和刘颖镟（Tiffany）在兔年过得相当不俗，前者首次在颁奖礼打入“最佳女主角”5强，同佘诗曼拗手瓜；后者4度提名“飞跃进步女艺员”终首度夺奖，爆喊感谢父母是最强后盾。展望龙年， Tiffany望继续突破挑战机师角色；34岁Moon自爆颁奖礼时突然失声，吓坏的她认为是身体响警号，今年决心要搞好身体，望似佘诗曼到48岁都一样Fit。 兔年首夺“飞跃进步女艺员”奖，Tiffany当然满意又好开心，“今年好幸运攞到呢个奖，经历咗呢7年努力有呢个奖，原来真系好开心好感动。”连续4年获提名才得奖，她承认原来感受比想像中更大，“冇谂过会咁感动，攞嗰刻真系咩情绪都出晒嚟，个奖系飞跃进步，代表性系观众认同我真系有进步，系自己最想做到嘅嘢，嗰刻好安慰。” 兔年Moon同样好充实，最难得当然是“最佳女主角”打入最后5强，“对我嚟讲好有意义，不论系观众定公司都一路好支持我，去到10年呢个位，依家要谂点样喺更加短嘅时间里面再做得好啲，唔可以停留喺一个level。”去年夺得“马来西亚最喜爱TVB女主角”奖的她，又认为得奖有鞭策作用，“奖项系跟我一世，我唔可以比起嗰时嘅我退步，要谂点样维持之余，点样可以做得好啲，嗰个压力系有喺度，亦都要喺度，畀自己压力推动去做。” 展望龙年，Tiffany希望挑战多些不同角色，早前在《飞常日志》做过索空姐的她，希望有机会挑战飞机师角色，“做机师几得意，以前好钟意睇《冲上云霄》，好神奇，可以嗰机师位度，有咁多掣任我控制。”而做过真空姐的Moon，却想做飞机维修员，“我好想去维修嗰啲地方，我以前做空姐冇机会落去。” 这对双刘好姐妹，又希望今年可以一齐拍旅游节目，两人更积极帮一众监制谂好远近的目的地。Tiffany兴奋话：“我哋首先去个近嘅，跟住再去个远嘅，近去日本滑雪，远就你拣嘞！”Moon畀Tiffany拣去希腊、瑞士及冰岛，Tiffany最后选了冰岛，Moon又不介意到时派福利泳装上阵，“如果我去返参加港姐个身形，我OK㗎！”