連詩雅Shiga身穿露腰連身裙及3吋高踭鞋的出席無綫節目《博愛歡樂傳萬家》，今次是連詩雅宣布懷孕後首次現身，已懷孕4個多月的連詩雅表示至今已胖了8磅，所以揀衫也有一定難度，又指老公陳家樂剛剛也載她到場，見她穿高踭鞋也有微言：「不過都係上台一下，太長時間我都唔會着，而家都想keep住工作，（老公特別照顧？）出到去發現大家都好照顧我，要好好享受。」 連詩雅表示懷孕後口味有變，會突然想吃酸及濃味的食物，自己在懷孕頭3個月最辛苦，因為會不斷反胃：「當時做緊內地巡迴，佢陪我做咗三四個show，不過好彩上到台冇唔舒服，佢算係乖。」又謂做產檢的時候，BB跳得好緊要，是一個活潑的BB，至於如何生產，她則表示仍在想，更爆陳家樂第一次陪她去產檢的時候很激動：「感覺好得意，佢（陳家樂）有少少流眼淚，不過其實自己都好激動，因為最初做產檢BB好細粒，見到個心跳覺得好奇妙。」 連詩雅讚BB好腳頭 提到BB腳頭好旺爸爸事業，連詩雅笑言也希望旺 埋媽媽，對於陳家樂在新戲有露股演出，連詩雅表示知道並覺得這是一個好的機會，所以鼓勵老公：啱啱拍嗰陣好大壓力，又要減磅，又有好多複雜嘅情緒，都知道佢辛苦，所以都盡量唔煩佢。」連詩雅又表示希望能夠工作到生產的時候：「如果客戶唔驚，都想繼續做嘢，喺能力範圍之內，而家都仲有啲拍攝工作（老公有冇叫唔好出埠？）冇咁講，但因為我好論盡，佢叫我小心啲行路同埋都扶住我，但我又未至於笨拙。」連詩雅又坦言不習慣身體的變化，提到她早前與鄧小巧合唱時落淚，她指因為該曲講媽媽，自己現在感覺到做媽媽的不容易，有開心亦有辛苦的情緒，問到之後會否追多個？她說：「睇定啲先，希望順利，呢個階段仲有好多嘢擔心，最緊要BB健健康康。」 文章来自星岛娱乐