《2024香港小姐競選》15位候選佳麗順利誕生，無綫今日假將軍澳九龍東皇冠假日酒店舉行記者招待會。 記者會上，總經理（節目內容營運）曾志偉先生宣布5大外景拍攝地點，分別是內蒙古＋塞班＋新加坡＋菲律賓碧瑤＋香港，並開心解釋為何「香港」會是外景地點之一，志偉說：「因為有啲佳麗外地返嚟，佢哋可能唔係好了解香港，咁佢哋會點樣去認識同介紹香港呢？所以製作組作出咁樣嘅編排。」志偉又透露每個外景地點都有隨團來自無綫的長輩級女藝人，有家長式的、亦有前港姐師姐，志偉說：「佢哋會以小導師身份帶領佢哋（應屆15強佳麗），同佢哋分析同理解何謂『香港小姐』。」