37歲前「東張女神」利穎怡早前宣佈與TVB結束12年賓主關係，隨後過檔HOT TV繼續擔任主持，更踩入演藝圈開始拍劇拍電影，憑著甜美外表及火辣身材吸引了不少宅男粉絲。昨日（12日），利穎怡在IG上分享了一輯街頭靚照，以超短褲上陣大晒曼妙身材極吸Like！！

昨日（12日）利穎怡在IG上分享了一輯街頭靚照，並留言：「好少po笑嘅相因為有人話我笑時好醜好肉 人越大，越少笑得咁開心… 不過最近係開心嘅 所以越來越鍾意同帶俾我 #正能量 嘅朋友仔一齊」。照片中可以見到利穎怡身穿一件掛脖露肩黑白相間上衣，下身則穿著一條黑色超短褲及尖頭平底鞋，大騷S形身材及豐滿的臀部線條，全身照中利穎怡一雙白滑長腿更是非常吸睛！另外半身照中，利穎怡拿着一枝白玫瑰望鏡頭露出撩人神情，再加上香肩及明顯的鎖骨線條，誘惑度爆燈。

貼文發佈後，不少網民紛紛留言大讚：「回到少布的時候了」、「你的笑容系100分喔」、「joan 最好看，不接受反駁」、「笑容同件衫都好正.....能量～～～」、「離開大台機會多了人開心了更加美麗」、「嘩！！對大髀好靚呀」、「白色嘅位以為係毛巾」、「穎怡BB身材火辣辣」、「女神你令我流曬鼻血」、「係條街到都咁辣」、「條長腿長到好過份」。