欧倩怡自认脱节社会多年　离婚后急搵钱交租：我真係等钱使

欧倩怡今午（15日）为HOY TV《健康关注组》进行录影，她接受访问时透露主要是分享自己学习多年嘅营养心得，问到是否会增加幕前工作，她笑言：“希望啦，因为都要搵钱。真係等钱使，而家香港地好多人都等钱使。（有无搵钱大计？）惭愧地讲句我社会经验比较少，05年之后我就冇拍剧，我都好脱节，好多时日头凑仔、夜晚读书，新闻又冇乜点睇，我终于由火星返地球，所以都要去学点搵钱。”

欧倩怡又指目前最大使费係交租，亦坦言当初要搵楼租、睇文件时曾感到慌张。“第一次自己去租屋，又唔知佣金係俾几多，唯有问多啲人，我都惊俾呃。（有无谂过上车？）我要先有第一桶金，我咁多年无做嘢、无收入，无呢桶金。”

中秋将至，欧倩怡指由于大仔要到英国升学，所以未能一家四口齐人食饭，而欧倩怡亦因要留港搵钱，所以无打算飞英国陪太子读书。“我个仔都16岁，佢都take care 到。（阿爸会唔会去？）你问下佢。”

而提到早几个月前接受网上节目访问后遭围攻，欧倩怡表示自己无喺娱乐圈活跃多年，所以才会发生“意外”，之后受访时会更小心，又准备在节目分享个人经历。“嗰次係几唔舒服，我当时有个课程係要去台湾医院读，最后都要退团，一阵都要问医生点解会咁。”

欧倩怡又谓当中有唔少误解，自己亦不愿多讲，而在访问中提到嘅痰罐，她表示确实不存在，纯粹是一个器皿。问到如今回复单身，会否有朋友介绍男士，欧倩怡即傻笑：“应该都唔係好多，怕我麻烦。（你烦在？）传媒压力，你哋放过我啦。（唔谂感情事？）我谂钱先。”