苑琼丹为活多几年做埋科学家　周身瘀伤强调非家暴引致 一向谂头多多嘅苑仔（苑琼丹），计早前被获封公主名衔，呢日又有新嘅「身份」，荣升「香港女科学家协会」副会长，苑仔就话自己一直研究新科技，仲话自己层次「升级」：「由细到大都冇谂过自己同科学家沾上关系，由『师傅』带我接触科学，发现呢啲野唔系高高在上，唔系遥不可及嘅！接触科学之後令自己大开眼界，想透过科学健康咁『活多几年』。 」 交游广阔嘅苑仔荣升副会长，好友林子聪都到场庆贺，仲满场飞四围送礼犹如「男主人」：「近日香港嘅腐乳令到香港好失望，香港人好似冇咗手信，依家我地努力不懈，研发令到佢无菌，我地会搞呢啲研究。善用科学改善生活，搞到依家头发都多咗，可以供献比社会。」林子聪亦附和支持，笑指二人「倾倾吓」就落实研究：「其实所有科学都系由发梦开始，只有创新先系科技，同我地拍戏都系一样。」苑仔讲笑话林子聪搵自己做女主角，搞到票房唔收得，自己「氹掂」林子聪做直播齐齐搵真银！ 刚刚渡过生日及结婚周年纪念，不过苑琼丹就忙到「冇时间」庆祝，趁返香港同老公「补祝」：「依家几十岁唔洗庆祝，最紧要家和万事兴、身体健康！我都唔知结婚二十周年添，真系快乐不知时日过，证明我婚姻生活系美满嘅。」#秋日生活日记#