江若琳相隔七年搞歌迷聚会全场爆满劲墟冚　献唱经典歌感动落泪 江若琳（Elanne）今日（22日）出席歌迷小型聚会，并且在活动现场与粉丝大玩游戏，兼且献唱经典歌曲《你不在了》、《手掌印》、翻唱Dear Jane 作品《到底发生过什麽事》，以及新歌《一直留在心底的事》，期间更一度感动落泪：「呢10几年经历咗好多嘅事。」这次是Elanne相隔七年再举行歌迷聚会，她接受媒体访问表示：「今日其实都系阔别了好多年，好多年冇见过Fans，Fans就话可唔可以生日前有个gathering，过多几日就系我生日，同埋我好想借呢个机会同一班Fans重聚。」 江若琳继续指为这次聚会感到很紧张，并透露公司曾经向她询问「你觉得有几多人会参加？」，她说：「我唔知，因为全部嘅Fans都大过晒，呢几年各自生活都安好，大家都有啲有小朋友有家庭，我唔知道会唔会仲有细个嗰种追星，又或者好想出嚟嗰一种感觉，我真系唔知，我觉得佢哋都大个咗有自己嘅嘢做，可能会觉得冇时间出席，出席嘅人超出我想像我系好感动，今日嘅朋友仔好多都攞出以前细个嘅珍藏出嚟，系寻回江若琳青春嘅一个歌迷聚会，我会做好啲嘢去回馈返佢哋，今日会准备咗几首歌。」 被问到拣选演唱的歌是否感到很头痛，她坦言：「好头痛呀！在个TG群组我会叫大家投票，我发现大家投票嘅都系我心水，同埋有一首歌系我专登今次拣，原来我两个演唱会都冇唱嘅歌曲《你不在了》，原来我开演唱会都冇拣到，我觉得今日系还返俾啲Fans。」 提到今年的生日愿望，她说：「第一我做了妈咪，梗系希望仔仔健康快乐，仲有11月会出新歌啦！今年嘅歌曲可以得到大家嘅喜爱。」讲到最近工作繁忙，会否特别思念家中的孩子，她表示：「会呀！其实我今日超级攰啊，因为最近屋企有啲事，屋企嘅工人姐姐家中有事，佢屋企嗰边遇到火灾，成间屋冇咗，所以佢要即刻返去处理，所以我而家就一脚踢，啱啱出门口都同阿仔经过一番嘅厮杀，分散佢注意力先，不过就觉得佢好sweet就大个仔，所以就好需要妈妈，所以我都好珍惜呢啲时光。」 讲到最近新歌《一直留在心底的事》分别在各大电台获得好成绩，她说：「对我嚟讲都系好大嘅鼓舞，我冇谂到七年後再出歌，大家都会好支持，嚟紧我都会出更好嘅歌去报答真系呢段时间话俾我听，好锺意我首新歌，同埋期待我唱歌嘅朋友。」被问到是否会希望参加乐坛颁奖典礼，她表示：「颁奖典礼我从来都唔够胆谂，呢个系我出返歌曲嘅初心，唔系话想要得到啲乜嘢，想享受呢个过程，得到大家嘅喜爱比任何一个奖项更加重要。」至於会否希望顺势举行演唱会，她笑说：「睇缘份，因为我个人变得好随缘，我觉得咁样系最开心，所有嘢都等个天去畀惊喜你，做好眼前嘅嘢就有好嘅回报。」 谈及好友罗力威最近复出乐坛，会否希望向对方邀歌，她直言：「全力支持啦！罗力威之前先带完佢啲仔女嚟我屋企玩，佢都有听我首新歌，我个仔就指住个MV介绍俾佢啲小朋友听，罗力威话佢都会出歌，其实出歌都真系好难，边个朋友出歌都好我都好佩服佢哋嘅心血。」