佘诗曼自爆曾问人借钱交税　唔敢再玩股票：谂住快啲搵钱点知衰咗 佘诗曼今日（23日）现身中环出席银行活动，并在台上分享自己的理财心得。佘诗曼接受访问表示：「其实我都系慢慢学，其实我啱啱入行嘅时候都唔识。我最记得嗰阵时拍好多武打戏受伤就冇买到医疗保险，因为嗰阵时唔识。」她继续指当时情况很惨需要医药费和住院，并表示：「费用好贵，但系都要靠自己畀，经过嗰一次之後我都要去买返医疗同埋危疾保险。」被问到当时拍摄武打场面，她说：「惊险嘅经历就冇，凄惨嘅经历就有好多，惊险就系几层楼吊威也飞来飞去。」她提到最惊险的一次拍摄经历：「双膝跪咗喺地下，冇办法都要继续拍戏，一个礼拜之後，其实只脚已经伤咗，真系痛到标眼泪，嗰阵时需要密集式去工作，而家都仲有少少旧患。」 提到储蓄习惯，她指刚入行不懂储蓄，并笑言：「原来系要交税，直头系要问人借钱，自此开始就识得储钱，只可以畀自己洗一半，另一半就系要储起佢，同埋交税，第一年里面学识咗呢样嘢，之後嘅生活比较安定。」被问到曾经作客刘嘉玲的节目表示过「唔够胆买股票」，她说：「就系啱啱入行嘅时期，嗰阵时啱啱储钱储咗一半，啲人就话会赚?！咁我就试吓，谂住快啲搵钱点知衰咗，其实都唔关股票事，因为拍戏要日日开工，所以冇咁得闲睇股票升幅，人哋都放咗呢只股票，我仲揸住，所以惊咗啦股票真系唔啱我。」至於活动上有专家分享退休需要2000千万积蓄，她表示：「咁就系要储钱，唔好放弃搵钱嘅机会。（已经赚到超过2000万？）咁仲未想退休嘅，唔关几多钱事，退休真系好闷。」至於会否投资买物业，她说：「呢个都系好好嘅选择，但系其实都要睇时势。」 被问到最近是否收到心仪的剧本，她表示：「未睇啱，仲睇紧，但系都好吸引。好似话拍摄要10月尾，就可能到明年年头，或者今年年尾，有可能要少少紧接《新闻女王2》，等我睇晒剧本先。」讲到日前担任好友林峯澳门演唱会嘉宾，林峯主动提出与佘诗曼推出合唱歌，她说：「睇吓有冇需要，或者我哋再会合作拍嘢嘅时候，适合嘅就去试吓。」提到最近「小红书」翻Hit黎瑞恩与佘诗曼当年在红馆合体演出的片段，她笑说：「我冇睇返，但深深记在脑海中，真系超紧张，嗰阵时仲要跳舞，所以好惊好惊。」她指当时演唱Twins的经典歌曲时并没有刻意分配「边一位扮阿Sa边一位扮阿娇。」