周柏豪内地节目骚Rap功惨遭网民攻击耻笑：我都觉得好尴尬 周柏豪今日（24/9）现身澳门出席开业活动。对於他早前亮相内地篮球真人骚节目，与其他参赛者轮流在球场上大晒Rap功，但却惹起网上热议，有网民留言表示冇眼睇：「唔系讲得快就系Rap」 周柏豪就事件接受媒体访问时表示：「其实我都系Rap咗4句咋，而嗰日系喺一个综艺节目入面一个搞笑嘅部份嚟，去同啲Rapper去比赛。而我哋呢啲好典型嘅情歌嘅歌手，要去做呢样Rap嘅挑战嘅时候，自然处於一个搞笑嘅方式去挑战，咁其实大家就唔使咁认真，唔使咁介意，首先我就唔介意先，始终都系我嘅工作嚟，咁综艺节目系带俾大家嘅欢乐同娱乐。能够令到你笑嘅话，咁咪笑罗。（会唔会觉得有时网民讲嘢好尖酸刻薄？）咁又唔会嘅，因为大家都有言论自由，可以去批评，又可以俾多啲意见令到做得更加好。不过事实上我系唔识得Rap?，游戏需要咁做嘅时候，就要硬着头皮去做。咁大家觉得我差嘅话，净系睇中间，又冇睇前面，同埋冇睇最尾发生咩事嘅，咁大家就觉得好尴尬，系呀，我都觉得好尴尬。但系我觉得好Funny。而我觉得能够同专业嘅Rapper一起去玩，我唔介意做下把位。咁所以明白我哋做艺人都预咗，唔需要对太多意见俾太多负面情绪自己。（会唔会练吓啲Rap？）唔需要啦，我唔做Rap?，即系等於我唔长跑，我唔会特登锻练长跑，但我会打好我嘅波。」