梁思浩與江美儀昨日（26日）為網上節目《娛樂好好玩》直播，談及近日的娛樂熱話。梁思浩與江美儀評論胡定欣與楊茜堯（前名楊怡）的不和傳聞，多年前在TVB頒獎禮上疑有批㬹舉動的影片再度翻Hit，成功為各自主演的台慶劇做「宣傳」，二人亦堅信胡定欣與楊茜堯並非不和，但就指出有些圈中人「不和到出晒面」，其中就提及陳秀雯與馬景濤。

梁思浩在《娛樂好好玩》中透露，圈中有些拍檔是「真‧不和」，他說：「我第一次聽到（有人不和）係喺亞洲電視，我見過兩次，『你話畀嗰個演員聽，我跟住就向前行，睇吓個演員有咩反應啦』。」而曾效力亞視的江美儀亦似乎曾目擊事件，「跟住個演員又講『阿導演呀，你同返個演員講啦，我鍾意點行就點行，唔係佢話嘅』。」梁思浩再分享：「之後另一個演員又會同導演講『阿導演，你叫個演員讀熟啲對白先啦』。」雙方你一言，我一語，隔空互寸，明明同場又不願意直接對話，找導演做「傳聲器」，而更有趣的是，這對不和的拍檔在劇中是演情侶，開拍時亦非常投入，專業程度令人佩服。

梁思浩透露不和場面是出自於亞視劇集《再見XXX》劇組，雖然他沒有說出整個劇名，但已經有網民於留言區說出《再見艷陽天》等字眼，令人聯想到曾傳不和的陳秀雯與馬景濤。後來梁思浩亦直接開名：「我唔知幾多人知道……馬景濤，套戲係咪馬景濤（主演）呀？個女仔……好似都好耐冇拍戲喇，陳秀雯。」

陳秀雯與馬景濤曾在亞視合作多部劇集，包括《天長地久》、《再見艷陽天》及《愛在有情天》等。當年陳秀雯與馬景濤合作曾傳出不和，近年陳秀雯受訪亦曾直認二人曾有芥蒂，但後來已冰釋前嫌。陳秀雯曾透露，不和起因是來自一個投訴：「一開始就係有人投訴我演員操守，咁就畀佢踩著條神經線，但其實裡面仲有其他複雜元素。真係唔想講，但過程係好得意……其實我覺得馬景濤又唔係好嬲我喎，你問我係咪好嬲佢？我又唔係好嬲佢喎，因為唔係一件你死我活嘅事，但可能當時娛樂新聞又冇咩大事件，所以記者每日陪我哋拍戲，呢件事就霸住咗頭條，好似好大件事囉。」

陳秀雯的前夫林國雄當時亦被記者問及陳秀雯與馬景濤的不和傳言，但他的回應卻令馬景濤不滿。陳秀雯表示當時她為一位相熟記者做獨家訪問，結束訪問後林國雄來接她，遇上另一位不太相熟的記者問及林國雄回應，她說：「個記者就開玩笑話『有人恰你老婆，你有咩反應？』，咁當時香港電影好流行一句說話『要你無運行』，係電影嘅對白，佢以為自己好幽默，純粹講咗句咁嘅嘢……而執筆嘅記者同我唔係相熟，於是變咗頭條。將呢個『波』掟過去時，人哋就覺得來勢洶洶，呢場『球賽』就掟嚟掟去。」馬景濤因為林國雄一句「要你無運行」，揚言要「告上法庭」，令新聞越鬧越大，但陳秀雯指，後來拍《天長地久》時，她與馬景濤已冰釋前嫌，事件無阻再度合作。