黃瀅仴綵排缺席揭遇家居意外　鐵線篤穿手飛奔急症室

無綫小花黃瀅仴最近工作多多，之前除了為《我推的野男Live》及《直播靈接觸》及新劇《金式森林》拍攝，現時亦為無綫台慶進行綵排，不過，日前她於綵排活動中缺席，原來是發生小意外。

瀅仴於社交網PO出到醫院的相片，而她的手指更紮住繃帶。事後她接受訪問時坦言在家發生小意外，她謂：「我尋日本身要返公司綵排台慶，點知我喺屋吸塵時，吸錯咗貓仔啲玩具入去，我抆番出嚟嗰陣，點知唔小心畀條鐵線穿過隻手指，即時標血，我咪即刻去醫院睇急症，因為之後台慶要表演彈琴，好在傷口唔算好深，手指仲郁到，仲可以繼續彈。」