马国明高歌行善被赞靓仔　丁子朗拟义卖画作

视帝马国明、高海宁刚刚为贺岁电影拍摄完毕，2人现时正式于深圳全身投入无綫新剧《夫妻的博弈》拍摄。日前马国明亦抽空跟丁子朗、朱敏瀚到珠海出席活动，3位型男甫落车已被包围，马国明即席高歌，博得全场掌声，不少人大赞他愈来愈靓仔，娶了靓汤（汤洛雯）的他更被网民笑指“饮得靓汤多。”

马国明昨日接受东网独家访问时坦言很开心剧组容许他抽少许时间出去接job赚外快：“今次呢个系慈善活动，主要帮助自闭症小朋友，佢哋叫‘来自星星’小朋友，活动借着音乐，画画启发佢哋，希望每个小朋友都健康快乐成长，慈善嘢一啲都唔怕做多，好有意义。”说到贺岁片刚拍竣，他谓：“前晚拍完最后一组，之后我同高Ling漏夜返深圳开剧。”

而朱敏瀚穿着西装官仔骨骨到场，问他为何要穿樽领衫时，他谓：“因为我借咗套西装，咁衬得最靓都系呢件衫，好在嗰日都有啲风，唔系好热，成个过程都好开心。同埋几难忘系一落车我哋要行一段路先到会场，但沿路都被Fans包围住，感觉大家都好热情，尤其是马明嘅号召力好强，希望之后都可以多啲一齐登台。”问他何时开剧，他谓：“我嘅拍摄一路延期，本来8月开剧，暂定要去到明年年头先开剧，年头亦应该会有剧上，所以都好期待。”

至于丁子朗亦不讳言接了的剧集延期拍摄，丁丁受访时谓：“套剧睇咗剧本，不过会之后先开拍，而珠海活动最开心系关怀特殊儿童嘅画画活动，我自己又超锺意画画，所以好开心。（有冇现场同小朋友一齐画画？）好可惜就系冇啊！因为小朋友画画需时，所以冇同佢哋画，但系我都有提议可以义卖我啲画帮佢哋，或者送畀佢哋。”相当有善心。而丁丁现时亦正忙于为台庆彩排，他笑谓：“今次我要打功夫及跳舞，但主要都系参与大抽奖为主，哈哈！”