74歲TVB鎮台之寶薛家燕1995年與前夫石保慶離婚後，獨力養大三名子女，直到2018年忽然驚爆秘戀年小10多歲的商人男友「A君」十多年，早前她作客衛詩雅（Michelle）主持的網上飲食節目《衛食攻略》時，都大方分享感情生活。不過，薛家燕一直未有公開「A君」外貌，到近日她貼出一張合照，認證「白馬王子」身份。

昨日（14日）在IG貼出幾張照片，見到她與69歲影帝任達華面貼面相擁合照，顯得如沐春風，更攬住對方腰凝望任達華，薛家燕寫道：「我心目中嘅白馬王子！早前我喺馬來西亞返港，竟然喺機場見到佢，真係好有緣份呀！」薛家燕早前到加拿大拍英文劇集，又到大馬開演唱會、灌錄賀年歌，雖然工作繁重，但她都有時間享受拍拖生活，薛家燕之前接受衛詩雅訪問時就透露：「有拍拖，有人知道我有個朋友仔細過我嘅，咁我梗係好保護關係啦，因為佢唔係我哋呢行。」據報道指薛家燕的男友「A君」Andy Chan比她年輕17歲，是從香港到上海創業的電腦工程師，兩人於2004年認識，翌年薛家燕開55歲生日派對時亦有現身獻花。

薛家燕未有打算再婚

「A君」曾兩次求婚，但薛家燕未有打算再婚：「其實我咁嘅年紀，我唔會諗住再結婚，佢希望想結啦。可能人哋想有小朋友，但係我收咗經啦嘛！哈哈！我食咗靜心，真係呀！唔使諗㗎啦嗰啲，哈哈。」薛家燕又曾在訪問中大讚「A君」對她很好，十多年前拍拖時有玩煮飯仔，現時雖然各有各忙，有時幾個月只能見面幾天，但會保持情深對話，並展示男友的甜蜜短訊：「呢啲係噚日半夜傳畀我嘅，佢話『你好忙喎，返到香港馬上工作咁辛苦，你要保重身體，唔好令我擔心，親愛的！』」

薛家燕1984年嫁給於美國經營飲食業的石保慶，並育有三名子女石祐珊、石耀庭及石耀珠，直至1995年因石保慶有外遇而離婚，薛家燕母兼父職養大三名子女。薛家燕坦言：「以前個老公（石保慶）為人敦厚都好錫我，估唔到佢都會變心，惟有畀多啲時間觀察，睇吓佢對你夠唔夠體貼及關心，好似我咁有大把時間，檢視咗A君10幾年，確定佢係靠得住，加上佢大把錢唔需要用我啲錢，坦白講，如果要我補貼佢生活，都唔同級數唔啱我啦…哈…咁又點會追我啫。」