馮盈盈回應返母校受訪講英文被指作狀：呢個係我講嘢嘅style

馮盈盈和莊子璇現身《萬千星輝賀台慶》，馮盈盈以黑色性感晚裝上陣大曬豐滿上圍及美背，而莊子璇則身穿低胸裝示人。馮盈盈接受《香港01》 分享重返母校香港大學受訪的感受：「其實我自己好開心嘅，因為我哋作為師姐妹，返到去母校接受當年教我哋嘅教授訪問，好似返去以前學生見老師嘅感覺，難免都會有啲緊張，就好似返番上堂以前嘅時候，教授係好嚴肅。」

講到有網民批評馮盈盈說英文的時候態度比較作狀，她表示：「我都係睇報道之後去了解呢件事，因為嗰個人（同學）係10年前同我一齊上堂嘅時候，嗰個人話我講嘢嘅語氣同10年前講嘢一樣都係咁，我覺得我唔係做作，不嬲呢個係我講嘢嘅style。」