明报：苏韵姿演独脚音乐剧又唱又跳
被中文考起 自嘲愈唱愈弱
苏韵姿早前演出音乐剧《我们的青春日志》番外篇《Nancy劳军SHOW》，又跳又唱《浮夸》、《酷爱》、《越唱越强》等10多首歌曲。她自爆被《越唱越强》考起：“要演独脚戏，心情超紧张，演出前一晚，我不停Loop啲歌，最难係《越唱越强》。我觉得自己越唱越弱，因为啲歌词好密、节奏好快，好似急口令咁。我睇容祖儿演唱会，见佢唱得好轻鬆，但我唱就好难，觉得祖儿真係好犀利。”
在今次音乐剧《Nancy劳军SHOW》中，苏韵姿除了舞台演出，亦参与度桥及服装统筹等幕后创作。她说：“其实喺2023年已经有呢套番外篇嘅构思，不过真要有晒剧本同排练，就3、4星期先开始，所以筹备时间都好赶。过程中最大挑战一定係中文，好多歌词同对白都好难背，加上难度好高，係成个骚一个人hold，如果唔记得台词就冇人救自己，所以要好熟，同埋喺现场会同观众有啲互动，执生好重要，真係好大挑战。”
苏韵姿好友黄碧莲亦有到场，苏韵姿笑说：“我哋大家中文都差差哋，我问佢会唔会睇唔明，佢话我都明，佢一定会明。”
苏韵姿透露签约新公司后，将在幕前有不同的尝试及演出机会。她说：“嚟紧会同HOY TV有不同节目嘅合作，之前我同陈思圻就返咗大陆拍摄一个新年节目，我哋两个接触咗好多新年嘅传统文化，感觉好有趣。”
