【On.cc】伍仲衡親解與無綫關係 剖白絕迹電視台心聲
著名音樂人伍仲衡被飛出《中年好聲音3》評審，即傳出因截無綫糊簽了洪心怡而被「炒魷」，事後雙方均發聲澄清純屬謠言。近日伍仲衡亮相網台「異騷show」節目《潮流King》，接受莫家淦、潘梓鋒及張智軒等人訪問，剖白與無綫的關係，坦言對不能再在公仔箱出現不感可惜：「賺晒啦呢3年，都冇諗自己可以喺電視台出現到。（有冇唔開心？）冇呀，呢件事唔係真係咁大件事。」他透露現努力為洪心怡籌備出道，指當時在歌唱比賽被對方歌聲打動，現時做音樂主要為開心，並沒有計算太多。
他又細數與莫家淦的淵緣，原來2人是中學師兄弟，雖然並非同期就讀，但畢業後校慶活動經常碰頭，加上曾一起在明星足球隊踢波，而莫家淦更大爆原來曾找伍仲衡作歌，惟撞正疫情令計劃一直延後至今，如今伍仲衡因《中年》升價10倍，莫家淦即笑言：「希望可以埋埋個尾，但你唔好加我價喎！」而節目直播期間，伍仲衡更發揮「人肉KTV」本色，不停點歌伴奏兼大展歌喉，炒熱氣氛。
伍仲衡亮相網台節目親解與無綫關係。
自覺過去3年已賺咗。
原來他與莫家淦是中學師兄弟。
