近期

《中餐厅》和《花儿与少年》

呢两档老牌旅行综艺接连开播

除咗可以睇风景

最大嘅看点就係睇嘉宾们

喺旅行中嘅表现啦

第八季嘅《中餐厅》

继续由黄晓明带队

组成八人团

齐齐去啱举办完奥运会嘅法国

其中好几个都係熟面孔

不过节目组设计嘅剧情

都係换汤唔换药

全程靠最识搞气氛嘅虞书欣

节目先有啲水花

虞书欣喺节目中

可谓“万能甜妹妹”

既可以帮团队调节气氛设摊嘅时候又能主动拉客

↓  ↓  ↓

用一句“男人都需要小空间”

和姜妍主动放弃单人间

化解分房危机

喺摆摊时大声宣传

喺顾客等太耐时主动安慰

更会善意讲出团队嘅漏洞

被网友大赞“最强气氛组”

而影相出片先係

虞书欣最犀利嘅技能

节目上佢帮黄晓明影相

成功去油、贵气十足

为咗尝试去旋转运镜

攞起翟潇闻嘅手机抛嚟抛去

吓到翟潇闻大叫

但旁边嘅吃瓜群众就好开心

//////

节目中另一位女嘉宾姜妍

一开始唔多出声

后来畀虞书欣感染

齐齐着靓衫影靓相

人都放开咗好多

姜妍喺节目中

勤恳又贴心

好似永远都喺度做嘢

喺厨房忙咗成日

被封为新晋“内娱狠人”

人哋仲在倒时差

佢已经凌晨起床发面

之后为咗做定胜糕

尝试几次失败咗都唔放弃

喺节目中圈粉无数

//////

啱开播嘅《花儿与少年6》

係“万人迷”陈好嘅综艺首秀

大家最睇好嘅嘉宾就係佢啦

冇谂到嘅係

节目上热搜嘅话题

竟然係#陈好 压迫感

事关今次嘉宾人数係历季节目最多嘅一次

节目组仲要拣咗

年纪最细嘅“00后”演员

邓恩熙、荣梓衫做导游

搞到从机场出发开始

整个旅行团都乱成一镬粥咁

作为大姐嘅陈好

帮手沟通又帮手看行李

为团队操碎心

到咗目的地之后

大家开会商量行程

陈好思路清晰先问预算

点知导游仲懵懵地

十八九岁，正係怕老师嘅时候

又遇上担任中戏老师嘅陈好

两个“00后”即时低头

一声都唔出

成场气氛都超低迷

好在有周雨彤和田嘉瑞

一个帮手算钱，一个调节气氛

先安然度过呢场“冲突”

面对同一个问题

两人嘅态度好唔同

陈好直言时间紧任务重

唔怕得罪人周雨彤就话太直接

会搞到大家冇瘾

对两人的处事态度

网友有认同亦有反对嘅

但争论归争论

对于“花少团”嚟讲

安排好行程先係最重要

之后不再慌乱、玩得好开心

陈好后来主动帮手做嘢

又会同弟弟妹妹开玩笑

私底下磕弟弟妹妹嘅CP

同大家打成一片

//////

想要有舒适嘅组团旅行体验

真嘅好需要默契

虞书欣识影相、超e人

姜妍中意煮食&做事

陈好耿直mix搞笑

周雨彤会做旅行plan……

咁多种类型嘅旅伴

你更钟意边一种呢？

资料来源：剧照、微博等

网络综合信息整理

编辑：黄译萱

一审：曾敏妍

二审：董华海

三审：骆   苹