最近港媒疯传

“反骨琪”蒋家旻

月底就会同男朋友拉埋天窗

仲话有部分艺人朋友

已经收到婚礼嘅邀请添

蒋家旻本人

就冇否认呢个消息

但又冇直接承认哦

just话有消息会通知大家

最近佢就忙紧新电视剧

《巨塔之后》嘅拍摄

据闻迟啲仲要出埠拍外景

睇嚟工作行程都几full

之前见过佢晒过sweet晚餐照

虽然神秘男友一直未路面

但似乎好事将近

只係想等合适嘅时机

再话俾大家知喈

既然当事人都未急

大家就不如耐心等候

呢份甜蜜嘅消息啦

▓▓▓▓▓▓▓▓▓▓▓░░░░努力加载中……

喺最近热播嘅几部电视剧中

蒋家旻都有份出演嘅

但都係一啲客串嘅角色

戏份唔係好多啰

之前佢凭借《美丽战场》

升呢做咗“最佳女配角”

每次现身嘅时候

都会特别受人关注

大家仲发现

每次见到家旻嘅时候

佢都会戴上夸张嘅耳饰

嚟搭配自己嘅服装

编织材质嘅彩色花花耳饰

衬晒佢嘅斜肩花裙+草帽

海岛look好养眼

简洁马尾衬休闲装

原本好normal

佢戴翻对线条简约、

大大只嘅耳环

成个造型就唔boring啦

冬天穿大红色冷衫

颜色已经好抢眼

佢就搭配小巧简单嘅耳环

做个小点缀就OK

有阳光、有海滩

係尽情露肤嘅地方

佢又会拣啲

夸张造型嘅大耳环

以及头饰

成个造型显得活泼可爱

出席正式场合

闪炩炩嘅礼服

搭配翻闪炩炩嘅耳饰

话咁易成为全场焦点啦

蒋家旻嘅耳环搭配公式

我哋日常都可以参考

搭出每日靓靓look

//////////

讲起呢啲靓靓耳饰

好多人就非常心动

奈何自己未有耳窿

好多款嘅首饰都戴唔到

好多人怕穿耳窿会痛

但少少痛之后

可以戴上靓耳饰

痛并快乐着嘅感觉

都几奇妙噶

穿耳嘅方式有好几种

旧式嘅枪打创口大恢复期长

就唔太建议大家使用啦

去医院用激光仪器穿孔

医疗级别操作令人更放心

而且呢种方式痛感相对较低

后期恢复起身都比较快

如果选择手穿方式

记得要搵有专业资质嘅店铺

唔好轻易尝试自己买工具DIY啊

虽然耳仔上嘅血管、神经

算係比较少嘅

但如果唔好好处理

都容易造成出血感染

后果可能好严重噶

耳窿穿好之后

就要好好养护

等伤口长好之后

再更换耳饰

有专业资质嘅店铺

建议大家选用

医用级别嘅钛钢耳饰

或者生物瓷制耳钉养耳

有条件嘅话

黄金耳饰係唔错嘅选择

但注意金饰嘅体积&重量

都唔好太大

以免拉扯到新创口

银制耳钉

就等耳窿长好再戴啦

因为恢复期嘅用药

或者伤口渗出液

好容易令银饰氧化发黑

会影响伤口嘅恢复噶

Well~

无论用咩方式穿耳窿

就肯定避免唔到痛

穿完耳窿就可以

戴好多靓靓嘅耳环啵

俾着你会点拣呢？

资料来源：微博、品牌官网、小红书等

网络综合信息整理

*文中图片版权归原作者所有

编辑：郭   玮

一审：曾敏妍二审：董华海

三审：骆   苹