黄翠如上个礼拜生日

但佢嘅两个好姊妹

连诗雅&陈自瑶太忙

所以拖到寻日先帮佢补庆生

好姊妹嘅爱虽迟但到

佢哋除咗吹蜡烛食蛋糕

仲一起整手工拉面

从卖相睇都几诱人

从相片睇

佢哋玩得好sweet劲开心

有网友话

翠如BB个样同以前唔同咗

虽然依然好靓女

但多咗一啲啲“孕”味哦

庆生当天每一张相

翠如都遮肚

难得有张单人相

只露出少少腰身

睇到明显圆润咗好多

再认真望望

合照中嘅连诗雅&陈自瑶

多少都化咗个妆嘅

相比之下，翠如素颜得多

连眼线都冇画到啰

加上佢哋玩自制手工拉面

讲求食材嘅健康

似乎一举一动都好注意

早前萧正楠点赞咗一条

祝佢哋“早生贵子”嘅帖文

今次再有埋Shiga同YoYo嘅对比

“翠如BB有喜”嘅猜测又加码

网友都觉得

係好消息未够钟宣布喈

点都好啦，Shiga话斋

只要翠如健健康康

事事顺利就咩都掂晒啦

除咗八卦翠如BB嘅BB

仲有唔少人留言

赞佢哋个蛋糕好过瘾哦

因为佢造型可爱、配色鲜艳

非常立体

只係喺相片里面

好似P落去嘅漫画咁

呢种漫画风嘅2D趣怪蛋糕

其实喺我哋广州都有店铺出品噶

配色好靓、制作嘅材料亦好健康

呢款蛋糕会有咁2D嘅视觉

全因佢会喺每个色块连接处

用深色奶油勾边

打造出一种手绘漫画嘅感觉

就连蛋糕面装饰嘅水果、蜡烛

都会挤上勾边线条

无论边个角度睇

成个蛋糕明明係立体嘅

又好似“平面画”一样

突破二次元嘅感觉非常有趣

依家蛋糕嘅款式越来越多

好多会紧跟潮流嚟设计

最近好兴嘅jellycat公仔

因为仿真食物造型得意

受到大家喜欢

有蛋糕店就“反向操作”

将jellycat嘅毛绒公仔

还原成真实嘅蛋糕

蛋糕更特别作出

好似毛公仔表面咁绒绒嘅质感

更加上标志性微笑&四肢

令佢彻底咁“公仔化”添

除咗“蛋糕”质地嘅蛋糕

见大家中意食雪媚娘

有店铺都结合呢种甜品

再还原公仔造型

整出jellycat款嘅巨型雪媚娘

糯叽叽嘅饼皮外皮

入口满满cream状内陷

有栗子蓉、芋泥、

榴莲忌廉等等口味

中意嘅朋友真係要冲

广东人有省凳、省碟、省人字拖

正所谓“能省就省”

依家连“省蛋糕”都出埋啦

呢款脆皮乳猪型嘅蛋糕

连眼睛位置嘅“车厘子”

都完美咁复刻到位

加上用一个省碟托底

仲有粤式祝福语

“广东味”瞬间满泻

送俾长辈特别容易氹到like

逢年过节、考试比赛

广东人都会同你讲句

“掂过碌蔗”

依家啲蛋糕就威水啦

蔗皮嘅花纹、蔗节

全部高度还原

斋睇到个造型已经甜到入心

到时真係咩都掂晒

咁多款盏鬼得意嘅蛋糕

唔知你谂好

过生日要拣边一款咧

资料来源：微博、剧照、小红书等网络信息综合整理

编辑：郭    玮

一审：曾敏妍

二审：董华海

三审：骆   苹