欧倩怡同郭晋安两公婆

一直以来过得细水长流

但欧倩怡近期大搞事业

采访时仲直指两人观念唔啱喇

安仔对佢好似唔支持？

当年

欧倩怡Cindy因为演唱大热卡通

《樱桃小丸子》的片尾曲

“beli bala”嘅形象太过洗脑

连老公郭晋安喺《老表，你好嘢！》

都攞“问题天天多”做口头禅

而Cindy自己又生得面圆圆

所以一直俾人小可爱嘅印象

就算入咗电视圈

佢嘅戏路都好窄

虽然演过唔少热播剧

但基本上都係配角

比如《秀才遇着兵》中的万丽君

《双面伊人》中的莫一菲

虽然最后一部戏係

大热剧集《女人唔易做》

角色江晶晶仲同林峯有感情戏

但讲到尾都係配角

唔受力捧、难有出路

另外，又有亲戚揶揄

话佢做唔到梅艳芳咁样

就唔好继续混演艺圈

同郭晋安喺埋一齐之后

考虑到两公婆都做艺人

好似几有风险

所以Cindy就迅速转行

重新去读书深造

希望喺教育界发展一下

近期睇到佢嘅学业有所成啦

po出香港大学毕业照

宣布攞到营养学硕士学位

//////

佢嘅求学之路并不顺利

中学时贪玩冇好好读书

最终会考就得5分

化学惨遭挂科

为咗读书同攞返个好学历

佢就落咗好多心机和学费

但过程就真系一波三折

经历亦比较惨痛

先係两度经历小产

心情down到落谷底

曾经打安胎针去挽救

而之后有身孕时

摊在家里进入退休状态

自嘲好似猪咁

为咗做妈妈牺牲全部时间

后来BB顺利出世

佢化身时间管理达人

一边凑B一边读书

学业上佢要克服两个难关

一个就係英语

话毕业之后都唔多讲英语

特别喺娱乐圈根本好少用到

另一个竟然係

依家人人都用嘅电脑

真係大家都估唔到

Cindy采访时讲起过

佢用旧式电脑嘅经历

仲惊住暴露年龄

（唔知几多人上过“画龟课”呢）

//////

对于咁有事业心嘅Cindy

传闻安仔就唔多支持

Cindy亦承认两人理念不合

之前Cindy做全职妈妈

安仔就剧接剧博命搵钱

依家好不容易等到工作减少

老婆又去做full-time营养师

两人嘅相处时间错开咗

对于事业同家庭嘅兼顾

Cindy选择让安仔

开启“第二生活模式”

直言依家老公喺屋企照顾多

而佢就要出去冲事业啦

接下来

43岁嘅Cindy仲有好多计划

例如谂住去读个博士学位

不过被7年学时劝退咗

佢有一个离奇理想

就係想加入“海陆空拯救队”

呢个反而可以揸紧时间实现

拥有车牌同船牌嘅Cindy

已经完成咗三分之二

就差去考飞机驾驶证啦

早前欧倩怡就有话

自己依家冇退圈

处于演艺+营养师嘅斜杠状态

照咁讲

我哋仲有机会睇到佢做戏？

唔知之后佢仲有咩plan呢？

来源：可乐生活Color微信公众号

编辑：张子殷

审核：曾敏妍

签发：骆苹