曱甴，即係蟑螂

喺中国被列为“四害之首”

具有好大嘅破坏性

唔少外地人都以为

广东嘅曱甴又肥又大

仲要识周围飞添

嚟到广州都话好想见识下

正所谓“黑红也是红”

好有生意头脑嘅广东人

即刻抓住呢波商机

用曱甴大做文章

整蛊整怪咁竟然好得意

▓▓▓▓▓▓▓▓▓▓▓░░░░努力加载中……

9月正係开学季

大家喺广州发现唔少新玩意

玩具IP“如意螂君”

乖乖变身“读书螂”

被卡通化嘅“螂君”

面圆圆眼细细

手多多兼有腹肌添

头上嘅触须好似两条辫仔咁

成个造型竟然有啲可爱

变身“读书螂”嘅佢

手执折扇同书卷

可以话气质非凡有纹有路

除咗呢款开学季限定“读书螂”之外

仲有肌肉“金刚螂”冰箱贴

sexy“兔女螂”揽枕

“螂心狗肺”嘅得意摆件等等

以后返工、翻学就唔怕冇伴啦

大大个“如意螂君”陪住你

用鬼马治愈你嘅心

咁啱又喺呢段时间

《小熊虫城市历险记》IP

都玩起快闪

各种周边应有尽有

小熊虫肥肥白白

中意垃圾食品同时仲“社恐”

而佢嘅邻居曱甴“阿螂”

反而更受欢迎

“阿螂”通体棕色

圆碌碌嘅身材冇线条可言

穿衬衫打领带

“虫设”应该係个绅士

平时佢就癡住小熊虫嘅

但因为佢造型太得意

唔少广东人都钟情于佢

听讲“阿螂”喺广州已经缺货

广东人玩曱甴嘅段位

已经係next level了

曱甴周边已经满足唔到

好似Color咁贪玩嘅潮人

喺上个周末举行嘅

郭嘉峰“三十而惑”巡演-江门站上

就有一位粉丝BB

穿住曱甴服去现场

为嘉峰打call

关注过嘉峰嘅朋友实记得

佢哋有推出过好几期

同曱甴有关嘅视频

嘉峰仲自己穿上曱甴衫

扮成广西蟑螂&广东曱甴

演绎爆笑情景剧添

今次呢位粉丝穿上呢身“应援服”

睇怕都係致敬

“广大之光”嘅曱甴造型

难怪得到特别关注

旧年薛之谦係广州嘅演唱会

歌迷就送上一只

巨大无比又柔软有手感嘅

“广东特产”大曱甴俾佢

收到呢分厚礼嘅老薛

只好送翻首《你还要我怎样》俾自己

各种各样嘅“螂”来了

唔知有冇一款

係你心仪嘅如意“螂”君咧

资料来源：品牌官网、小红书等

网络综合信息整理

*文中图片版权归原作者所有

编辑：郭   玮

一审：曾敏妍

二审：董华海

三审：骆   苹