TVB新剧《特勤女团》正式开机

邵美琪时隔5年重回无线拍剧

搭档“不老男神”关礼杰

引发观众关注

而比邵美琪更吸引网友嘅

就喺剧中另外“四朵金花”

个个都样靓身材正

各有各嘅睇头

一号佳丽Kelly张曦雯

係国际中华小姐冠军

身高同学历一样咁高

早前喺《破毒强人》中饰演madam

又喺《白色强人》中扮过医生

形象好符合“专业人士”嘅定位

喺今次嘅 《特勤女团》中

佢将化身长腿卧底

凭靓靓pat线

获封“西九龙美臀”称号

斋个朵就已经令人

好好奇佢嘅人设啦

二号选手Jeannie陈滢

自从《家族荣耀知继承者》后

喺佘诗曼助力下瘦身有成

最近以索爆身型回归

趁住休假去玩

佢穿起比基尼

大晒靓靓背面线条

纤腰丰臀惹火吸睛

喺今次新剧中

佢自曝外号为“32C”

但呢个诱人数字却同身材无关

佢更自揭今次角色人设保守

令人好想知

神秘“数字”究竟係咩惊喜

三号Yuki罗毓仪

童颜娇小甜美到漏

最近人气不断upgrade

佢喺《上车家族》中做“细女”

乖巧贴心惹人爱

到《神耆小子》就担正做“孙女”

爱家善良又聪明

每次角色嘅人设都好有观众缘

嚟到新剧佢“重操旧业”

丧玩cosplay

扮演猫咪、动漫人物等等

原来佢之前cos过女仆

对此早就驾轻就熟啦

而呢支“特勤女团”中

年纪最细嘅成员

就由本身就係女团出身嘅

Yumi钟柔美出演啦

话说佢本身就唱跳俱佳

喺今次嘅新剧中

佢似乎就做翻自己

应该都难度不大嘅

最近有消息传

Gigi炎明熹将签约新唱片公司

“声梦女团”就要名存实亡

Yumi今次“撇甩”Gigi

加入“特勤女团”

同各位前辈合作

唔知会唔会有特别嘅火花咧

今次嘅《特勤女团》

除咗一班“小花”够吸睛之外

搭档佢哋嘅男演员都看点十足

除咗久违电视框嘅关礼杰之外

仲有啱啱从《法证先锋6》

“领饭盒”收工嘅“乔sir”马贯东

喺《法证6》中

佢仅仅得4集嘅戏份

好多观众都觉得未睇够喉

今次新剧佢就会担任

比较重要嘅角色

同各位“女团成员”有挐楞

相信戏份会比较重

听讲早前佢已经

同“西九龙美臀”张曦雯

完成咗同pat pat有关嘅戏份

出街就知道画面会有几精彩啦

我哋嘅老友记涂毓麟

都有份参演呢部《特勤女团》嘎

不如我哋一起期待

各位演员俾我哋嘅惊喜啦

资料来源：微博、剧照等

网络综合信息整理

编辑：郭玮

审核：曾敏妍

签发：骆苹