李思捷曾与古天乐张家辉争乐坛新人奖 自愧常改剧本影响对手 李思捷日前接受新城节目《QK玉瑛室》访问，思捷与主持谭玉瑛老友鬼鬼，两人不时相约品酒谈心，访问由思捷初入行做歌手时说起，「嗰时我帮一个网站主持节目《娱乐大知嘢》，每集都会揭报纸讽刺娱乐圈新闻，反应出奇地好，老板话不如帮你出碟，捧你做第一个网上歌手，之後攞咗郭富城啲歌重新改歌词，只碟卖咗二千只，但我又唔忿气上唔到无綫《劲歌金曲》。」 於是思捷主动出击，拿着亲自创作的音乐录影带向《劲歌金曲》监制毛遂自荐，最终获得签约成为2000年乐坛新人，「我开心到不得了，仲有份提名新人奖，对手系古天乐、张家辉、陈冠希，三甲人选有齐，但坐喺佢哋旁边都好开心。」思捷翌年再接再厉，主动上艺员科搵经理，成功签约为艺员合约并加入《欢乐金宵》，「後尾有监制觉得我有趣，搵我拍《花样中年》，同方中信有几场对手戏，我做便利店收银员，佢成日嚟买嘢氹佘诗曼，我就同方中信斗气。」 之後与容祖儿合作拍剧集《美丽在望》，经常围在祖儿身边负责搞笑角色，鬼主意多多的思捷又再次「出手」，「我出晒名，好多人话我成日改剧本，但你唔改又好难突出自己，我试一次先，监制会睇playback，如果佢唔闹我就继续试，两三次之後，监制唔闹我咪OK！但惟一唔好就系影响咗对手，人哋背咗（剧本）成晚，我突然改对白，佢都谂唔切点回应，所以帮人谂埋又试过，但佢可能心谂『使你教我呀』。」思捷强调尊重所有编剧，指剧本写得很好，只是自己想整段戏表达得更好。深思熟虑之後，思捷决定继续改剧本，同时亦会顾及对手感受，「我要搵个中间位，就系照顾埋对方，畀对方完全可以接到对白。」
