黑色月光｜尹扬明内地拍江湖片懒理内地上唔到映：我唔系做制作 尹扬明（尹佬）今晚（28/10）现身尖沙咀出席无綫台庆剧《黑色月光》首播宴。相隔23年强势回归无綫拍剧，尹佬接受访问时表示：「当初佳哥（锺澍佳）搵我嘅时候，我都问佢我系咪演反派，佢就话我个仔先系反派，咁我就话咁都好呀，就系咁我就接咗。（唔想演反派，系咪想转戏路？）咁又唔系，其实咩角色都得，但最主要都系要睇吓自己有冇得发挥。（内地有冇咩片种唔拍？）其实我咩都拍，我又唔会话唔怕江湖片，始终我都系职业演员，我就唔理部戏拍完上唔到映呢个问题，因为我唔系做制作。卖唔卖片嘅就唔关我事，最紧要系做好自己嘅角色就够，咁所以咩角色我都会拍，但要我除衫嘅我唔就唔拍啦。不过都系嗰句有我拍就拍，唔啱自己就唔玩啦。」
