洪嘉豪认澳门演唱会有不足 33岁牛一做好仔多陪妈妈 洪嘉豪今日现身「香港网球公开赛2024」，向来踢波嘅佢，坦言甚少接触网球，不过见佢落场时都有板有眼，真系如佢所讲「球类都叻叻哋」。 提到日前903足球赛，洪嘉豪表示虽然大家不时话约踢波，但从未成事，而Jer嘅表现更喜出望外，完全匹配「风之子」称号。 而昨日（26日）牛一嘅嘉豪，选择同屋企人一齐食大闸蟹庆祝。「最近同妈咪倾多咗，发现好多一直无留意佢嘅事情，所以趁大节日陪佢食啲佢想食嘅嘢。」他自觉未够好仔，所以想多啲时间陪妈咪。「家用方面好耐之前已经系非常孝子，再加可能会畀人查。」 另外，提到早前澳门演唱会被「街客」抱怨挂住同粉丝自拍，嘉豪表示完骚当下，身边所有人都赞好。「我都以为做得好好，但第日睇到网上评论时，先发现会唔会忽略咗某啲观众，再反思时、确系有两只歌要好正经咁唱，但当下有少少兴奋，因为前排观众好热情，同埋我甚少演出时同观众有近距离接触，不过反思过後呢个真系再改进，希望下次全面啲。」
