明报：陈滢恭喜方力申结婚 朱敏瀚情人节未送陈晓华礼物
陈滢、周嘉洛、朱敏瀚、李芷晴及黄婧灵（波波）等，今天（14日）出席剧集《痞子无间道》宣传活动，冒雨向粉丝派玫瑰花、朱古力及气球。陈滢及周嘉洛均表示收工后会跟家中爱宠一起过情人节。陈滢称剧集播出后获好评，尤其知道获讚演得好笑就特别开心。
谈到她于首集化老妆扮阿婆，陈滢说：“我嫌自己扮得唔够老，可以再夸张啲，当时我确实有少少贪靓，见到出嚟效果就觉得应该要再狠啲。”
曾传过绯闻的方力申宣布已婚，陈滢称已立即留言送上恭喜：“好戥佢开心，见到张相好sweet。我未得閒亲自问清楚佢，今日唔係愚人节，係情人节，应该係真嘅。”
周嘉洛表示17分钟横跨两集的赤裸演出，睇落也不觉很长。他说：“遮遮掩掩同有格仔，都觉得冇乜特别！身形都唔係好睇，露得唔够，应该格仔打细少少会好啲，其实朋友对我裸露已好习惯，因为我出名周围换衫唔会收收埋埋，所以冇咩特色。朋友对套剧讚多过弹，觉得几好笑，但嫌节奏太快，睇一次难消化，要睇多次。”
朱敏瀚表示今次演绎角色好辛苦，因为要挑逗所有女角色，难度在于对手高度，与王灏儿（JW）拍对手戏时的难度比较高。他透露：“角色咁做背后係有原因，因为对性取向成疑，不断咁做令大家唔会怀疑佢锺意男人。大家之后会见到佢袋入面有张男人相，经常拎出嚟睇。”
朱敏瀚被问到今天可会相约绯闻女友陈晓华庆祝首年情人节时，表示已约了妈妈在家打边炉。他被追问是否已跟陈晓华庆祝时说︰“冇特别庆祝，每日都係同平日一样，平日都唔会送礼物。我之前受访时都讲过，假如我有伴侣，都唔会情人节互送礼物，免得大家有压力，宁愿平时送上惊喜。”
