小辰光，我喜欢看吵相骂 八十年代的辰光，里弄里、商店里、马路上经常有吵相骂，从吵相骂发展到打相打的，也勿少见。老话讲，“看热闹不怕事大”，上海人顶欢喜看热闹。看到人家吵相骂了，就会有人围上去。 本来一桩擦擦碰碰的小事体，吵发吵发看闹猛的人多了，弄得吵相骂的人下不了台，啥人也不肯先停下来，都怕勿骂到最后一句算是输脱。 我小辰光也蛮喜欢看人家吵相骂的。虽然屋里厢的老人经常教训我，看到人家吵相骂，勿要去轧闹猛。要是人家打起来了，避避开，在旁边看热闹容易“吃生活”。老人讲归讲，不过我看到人家吵相骂，脚就痒，就要跑过去看热闹。 特别是夫妻间吵相骂特别好看，而且有的夫妻吵起来很厉害，整幢房子都听得见。不过上海人资格老，一般对于夫妻之间的吵相骂打相打，只会在旁边偷偷看热闹，勿大会出面去管的。因为大家都晓得，“清官难断家务事”，何况又是夫妻之间，更没有必要一本正经地去劝。侬劝了半天（有辰光还需分出个对错来），结果第二天人家和好了，反而看到侬会翻白眼，犯得着吗？何况他们又是新搬来的，勿晓得他们俩的脾气，所以邻舍隔壁啥人也没有出来劝架。
